ශ්රී ලංකා කාන්තා කණ්ඩායමේ තුන් ඉරියව් ක්රීඩිකා දේව්මි විහංගා දකුණු දණහිසේ ආබාධයක් හේතුවෙන් කාන්තා T20 ආසියානු කුසලාන තරඟාවලියෙන් ඉවත්ව තිබේ.
පුහුණු තරඟයකදී ආබාධයට ලක්වූ විහංගා UAE බලා පිටත්ව ගිය ශ්රී ලංකා කණ්ඩායම සමඟද එක්වී නොමැත.
ඇය වෙනුවට වමතින් දඟ පන්දු යවන නිමාෂා මීපගේ ශ්රී ලංකා සංචිතයට කැඳවා තිබේ. 2025 දෙසැම්බර් මාසයේදී T20I වරම් ලැබූ මීපගේ මේ වන විට ශ්රී ලංකාව වෙනුවෙන් තරඟ 14කට ක්රීඩා කර ඇත.
නායකත්වය චමරි අතපත්තුට හිමිවන අතර, උපනායකත්වය හර්ෂිතා සමරවික්රම විසින් දරනු ඇත. කෞෂිනි නුත්යාංගනා සංචිතයේ එකම කඩුලු රකින්නිය වේ.
ආසියානු කුසලානයේ B කාණ්ඩයට ඇතුළත්ව සිටින ශ්රී ලංකාව බංග්ලාදේශය, ඉන්දුනීසියාව සහ UAE සමඟ තරඟ කිරීමට නියමිතය. ශ්රී ලංකාවේ පළමු තරඟය අගෝස්තු 29 වැනිදා UAEට එරෙහිව පැවැත්වේ.
ශ්රී ලංකාව 2024දී දම්බුල්ලේ පැවති අවසන් මහා තරඟයේදී ඉන්දියාව පරාජය කරමින් ආසියානු කුසලාන ශූරතාව දිනාගත් වත්මන් ශූරියන් වේ.
ශ්රී ලංකා කාන්තා T20 ආසියානු කුසලාන සංචිතය
චමරි අතපත්තු – නායිකා
හර්ෂිතා සමරවික්රම – උප නායිකා
ඉමේෂා දුලානි
සංජනා කාවින්දි
විශ්මි ගුණරත්න
කවිෂා දිල්හාරි
නිලක්ෂිකා සිල්වා
හසිනි පෙරේරා
කෞෂිනි නුත්යාංගනා – කඩුලු රකින්නිය
සුගන්ධිකා කුමාරි
චමුදි ප්රබෝධා
චෙතනා විමුක්ති
කාව්යා කාවින්දි
මිත්යා අයෝධ්යා
නිමාෂා මීපගේ
