ශ්රී ලංකා කණ්ඩායමේ නායක කුසල් මෙන්ඩිස් සහ වේගපන්දු යවන ක්රීඩක බිනුර ප්රනාන්දු එංගලන්තයට එරෙහිව පැවැත්වෙන ඉදිරි T20I තරගාවලියෙන් ඉවත් කර තිබේ.
ශ්රී ලංකා ක්රිකට් ආයතනය සඳහන් කළේ, 2026 ලංකා ප්රිමියර් ලීග් තරගාවලියේදී සිදුවූ ආබාධ හේතුවෙන් දෙදෙනාම තවදුරටත් පුනරුත්ථාපන කටයුතුවල නිරතව සිටින බැවින් මෙම තීරණය ගත් බවයි.
විශේෂත්වය වන්නේ දෙදෙනාම එංගලන්ත සංචාරය සඳහා නම් කළ ක්රීඩකයන් 16 දෙනෙකුගෙන් යුත් සංචිතයට ඇතුළත් කර පැය 24කටත් අඩු කාලයකදී මෙම වෙනස සිදු කිරීමයි.
කුසල් මෙන්ඩිස් T20I සහ එක්දින කණ්ඩායම් දෙකේම නායකයා ලෙස නම් කර තිබූ අතර, ඔහු T20I තරගාවලියෙන් ඉවත්වීමත් සමඟ උපනායක ලෙස නම් කර සිටි චරිත් අසලංක T20I කණ්ඩායමේ නායකත්වයට පත් කර තිබේ.
කෙසේ වෙතත්, කුසල් මෙන්ඩිස් එක්දින තරගාවලියෙන් තවමත් ඉවත් කර නොමැත. ඔහුට එක්දින තරග සඳහාද ක්රීඩා කිරීමට නොහැකි වුවහොත්, උපනායකයා ලෙස චරිත් අසලංකට එහි නායකත්වයද භාර ගැනීමට සිදුවනු ඇත.
දකුණු පාදයේ මස්පේශි ආබාධයකට ලක්වූ කුසල් ජූලි 19 වැනිදා සිට තරග ක්රීඩා කර නොමැති අතර, බිනුර ප්රනාන්දු අගෝස්තු 5 වැනිදා සිට ක්රීඩා කර නොමැත. බිනුරගේ ආබාධය පිටුපස ප්රදේශයට සම්බන්ධ ආබාධයක් ලෙස ශ්රී ලංකා ක්රිකට් ආයතනය සඳහන් කර තිබේ.
කුසල් මෙන්ඩිස් වෙනුවට 24 හැවිරිදි ඉහළ පෙළ පිතිකරු පවන් රත්නායක T20I සංචිතයට කැඳවා ඇති අතර, බිනුර ප්රනාන්දු වෙනුවට වේගපන්දු යවන දිල්ෂාන් මධුශංක කැඳවා තිබේ.
චරිත් අසලංක මාස හයකට පමණ පසු T20I කණ්ඩායමට නැවත පැමිණ ඇති අතර, මේ වන විට CPL 2026 තරගාවලියේ St Lucia Kings කණ්ඩායම වෙනුවෙන් ක්රීඩා කරමින් සිටී.
ශ්රී ලංකා සහ එංගලන්ත කණ්ඩායම් අතර T20I තරග තුන සැප්තැම්බර් 15, 17 සහ 19 යන දිනවල Southampton, Cardiff සහ Manchesterහිදී පැවැත්වීමට නියමිතය.
එංගලන්ත T20I සංචාරය සඳහා ශ්රී ලංකා සංචිතය:
Pathum Nissanka, Kamil Mishara (wk), Lahiru Udara (wk), Kamindu Mendis, Charith Asalanka (නායක), Janith Liyanage, Pavan Rathnayake, Dasun Shanaka, Dunith Wellalage, Wanindu Hasaranga, Maheesh Theekshana, Tharindu Rathnayake, Dushmantha Chameera, Eshan Malinga, Nuwan Thushara, Dilshan Madushanka.
