2026 ආසියානු ක්‍රීඩා උළෙලේ පිරිමි ක්‍රිකට් තරගාවලියේ මූලික කණ්ඩායම් වටයේ තරග අවසන් වීමත් සමඟ අර්ධ අවසන් පූර්ව තරග සඳහා සුදුසුකම් ලැබූ කණ්ඩායම් හතර තීරණය වී තිබේ.
මෙවර තරගාවලියේදී Bangladesh, India, Pakistan සහ Sri Lanka යන ඉහළ ශ්‍රේණිගත කණ්ඩායම් හතර මූලික වටයේ තරග නොමැතිවම සෘජුව අර්ධ අවසන් පූර්ව වටයට සුදුසුකම් ලබා තිබුණි.
ඒ අනුව අර්ධ අවසන් පූර්ව තරග සටහන මෙසේය.
පළමු අර්ධ අවසන් පූර්ව තරගය: Hong Kong vs Pakistan – සැප්තැම්බර් 28
දෙවැනි අර්ධ අවසන් පූර්ව තරගය: Afghanistan vs India – සැප්තැම්බර් 28
තෙවැනි අර්ධ අවසන් පූර්ව තරගය: Nepal vs Sri Lanka – සැප්තැම්බර් 29
සිව්වැනි අර්ධ අවසන් පූර්ව තරගය: Bangladesh vs Malaysia – සැප්තැම්බර් 29
මූලික වටයේ Group A නියෝජනය කරමින් Nepal සහ Afghanistan අර්ධ අවසන් පූර්ව වටයට පැමිණ ඇති අතර, තරගාවලියේ සත්කාරක Japan කණ්ඩායමට එම වටයට පිවිසීමට නොහැකි විය.
Group B වෙතින් Malaysia සහ Hong Kong කණ්ඩායම් ඉදිරියට පැමිණ ඇති අතර, Oman කණ්ඩායම තරගාවලියෙන් ඉවතට ගොස් තිබේ.
කෙසේ වෙතත්, අර්ධ අවසන් පූර්ව තරග පැවැත්වෙන දිනවලද වර්ෂාව තරග සඳහා බාධාවක් විය හැකි බවට කාලගුණ අනාවැකි පෙන්වා දෙයි. සෙනසුරාදා පැවති අධික වර්ෂාව හේතුවෙන් Japan සහ Nepal අතර තරගය සම්පූර්ණ කිරීමට නොහැකි වූ අතර, Malaysia සහ Oman අතර තරගයේ එකදු පන්දුවක් හෝ යැවීමට හැකි වූයේ නැත.
AccuWeather අනාවැකි අනුව සඳුදා දිවා කාලයේදී වර්ෂාව ඇතිවීමේ සම්භාවිතාව 91%ක් වන අතර, ගිගුරුම් සහිත වැසි ඇතිවීමේ සම්භාවිතාව 22%ක් ලෙස දැක්වේ. අඟහරුවාදා දිනයේදීද වර්ෂා සම්භාවිතාව 89%ක් සහ ගිගුරුම් සහිත වැසි ඇතිවීමේ සම්භාවිතාව 18%ක් ලෙස පවතී.
Knockout තරගයක් වර්ෂාව හේතුවෙන් ප්‍රතිඵලයක් නොමැතිව අත්හැරීමට සිදුවුවහොත්, ICC හි නිල T20I ශ්‍රේණිගත කිරීම් අනුව ඉහළ ශ්‍රේණියේ සිටින කණ්ඩායම ජයග්‍රාහකයා ලෙස නම් කිරීමට නියමිත බව Cricinfo වාර්තා කරයි.
මේ අතර, අර්ධ අවසන් පූර්ව තරගවලින් පසුව පැවැත්වෙන අවසන් පූර්ව තරග සඳහා සහ පදක්කම් තරග සඳහා කාලගුණ තත්ත්වය වඩාත් යහපත් වනු ඇතැයි දැනට පවතින අනාවැකි පෙන්වා දෙයි.
2023 Hangzhou ආසියානු ක්‍රීඩා උළෙලේදී Afghanistan පරාජය කරමින් India රන් පදක්කම දිනාගත් අතර, Bangladesh කණ්ඩායම Pakistan පරාජය කරමින් ලෝකඩ පදක්කම හිමිකර ගත්තේය.
මෙවර අර්ධ අවසන් පූර්ව තරගයේදී Sri Lanka සහ Nepal අතර තරගය සැප්තැම්බර් 29 වැනිදා පැවැත්වීමට නියමිතය.
