Match Reports
England වෙතින් ශ්‍රී ලංකාවට ලකුණු 356ක දැවැන්ත ඉලක්කයක්
September 27, 2026
08:14 PM
Main Admin
ශ්‍රී ලංකාව සහ England අතර ‘The Oval’ ක්‍රීඩාංගණයේ පැවැත්වෙන තීරණාත්මක තෙවැනි සහ අවසන් එක්දින තරගයේදී England කණ්ඩායම නියමිත පන්දුවාර 50 අවසානයේ කඩුලු 7ක් දැවී ලකුණු 355ක් රැස් කිරීමට සමත් විය.
ඒ අනුව තරගය ජය ගැනීම සඳහා ශ්‍රී ලංකා කණ්ඩායමට ලකුණු 356ක ඉලක්කයක් හිමිව තිබේ.
England ඉනිමේ වැඩිම ලකුණු ලාභියා බවට පත්වූ ආරම්භක පිතිකරු Tom Banton පන්දු 105කදී ලකුණු 126ක් රැස් කළේය. ඔහුගේ ඉනිමට හතරේ පහර සහ හයේ පහර රැසක් ඇතුළත් විය.
England නායක Harry Brook ද වේගවත් ඉනිමක් ක්‍රීඩා කරමින් පන්දු 66කදී ලකුණු 77ක් ලබා ගනිමින් කණ්ඩායමේ ලකුණු සංඛ්‍යාව ඉහළ නැංවීමට දායක විය.
ශ්‍රී ලංකාව වෙනුවෙන් පන්දු යැවීමේදී Sachindu Colombage කැපී පෙනෙන දස්කම් දක්වමින් ලකුණු 71කට කඩුලු 2ක් දවා ගැනීමට සමත් විය.
තරග තුනකින් සමන්විත එක්දින තරගාවලිය මේ වනවිට තරග 1-1ක් ලෙස සම තත්ත්වයේ පවතින අතර, අද තරගයේ ජයග්‍රාහකයා තරගාවලියේ ශූරතාව හිමිකර ගනු ඇත.
කාසියේ වාසිය දිනාගත් England නායක Harry Brook පළමුව පන්දුවට පහරදීමට තීරණය කළ අතර, එම තීරණයට සාධාරණයක් ඉටු කරමින් England පිතිකරුවන් ශ්‍රී ලංකා පන්දු යවන්නන්ට එරෙහිව දැවැන්ත ලකුණු සංඛ්‍යාවක් ගොඩනැගීමට සමත් වූහ.
